دل کے ہر پل رہے قریں کچھ لوگ
اس طرح کے بھی ہیں حسیں کچھ لوگ
عجز میں بھی کمال ہوتے ہیں
آسماں ہوکے بھی زمیں کچھ لوگ
ساری دنیا ہی چھان ماری ہے
با وفا ہیں کہیں کہیں کچھ لوگ
اپنے دل میں ہی ہم سدا رہ لیں
دل میں ان جیسے ہوں مکیں کچھ لوگ
منفی مثبت کا کھیل ہے دنیا
کیونکہ اچھے برے وہیں کچھ لوگ
جاں لٹاتے ہیں دوستوں پر کچھ
اور ہیں مارِ آستیں کچھ لوگ
تجھ میں امبر سے جا بسے کتنے
چاند تارے نہیں نہیں کچھ لوگ
عبدالمجید راجپوت امبر