جذبات کے تیز الاو میں جل جل کے مرے ہیں پروانے
پھولوں کی لگن میں کانٹوں پر کتنے ہی چلے ہیں پروانے
گر جرم تھا ہونٹوں سے چھونا محفل میں تری مئے کا ساقی
آنکھوں سے فقط ہم پی لیتے ناصح کیوں چلے ہیں سمجھانے
ہم جب بھی دل مضطر لے کر گلشن کی تمنا میں نکلے
ہر گام پہ تیرے مجنوں کو ملتے ہی رہے ہیں ویرانے
اک پھول کی حسرت دل میں لئے آئے تھے مگر معلوم نہ تھا
اک سنگ گراں سے سر اپنا ہم خود ہی چلے ہیں ٹکرانے
اقبال بسمل