Author name: Moj e Sukhan

بے رخی کو بھی نوازش کی ادا کہنا پڑامصلحت تھی زہر پی کر بھی دوا کہنا پڑا بے وقوفی کے انوکھے کارنامے دیکھ کراچھے خاصے لیڈروں کو بھی گدھا کہنا پڑا پاپولر میرٹھی

وقت نکاح ہم بھی تھے دولہا بنے ہوئےبلوایا عورتوں نے سلامی کے واسطے ہم رخصتی کے وقت یہی کہہ کے چل پڑےلائی حیات آئے قضا لے چلی چلے پاپولر میرٹھی

اس مرتبہ بھی آئے ہیں نمبر ترے تو کمرسوائیوں کا کیا مری دفتر بنے گا تو بیٹے کے منہ پہ دے کے چپت باپ نے کہاپھر فیل ہو گیا ہے منسٹر بنے گا تو پاپولر میرٹھی

کسی جلسے میں اک لیڈر نے یہ اعلان فرمایاہمارے منتری آنے کو ہیں بیدار ہو جاؤ یکایک لاؤڈ اسپیکر سے گونجا فلم کا نغمہوطن کی آبرو خطرے میں ہے ہشیار ہو جاؤ پاپولر میرٹھی

اک کنکٹے کا آج یہ اعلان عام ہےنیتا ہیں ہم ہمارا تو قربانی کام ہے نیتا کا دعویٰ سن کے میں یہ سوچنے لگاقربانی کنکٹے کی تو یارو حرام ہے پاپولر میرٹھی

وقت کیا بدلا یہ چمچے بھی دغا دینے لگےجو دعا دیتے تھے کل تک بد دعا دینے لگے چھن گئی کرسی تو لیڈر پر اٹھا لیں کرسیاںجن پہ تکیہ تھا وہی پتے ہوا دینے لگے پاپولر میرٹھی

تدبیر کا کھوٹا ہے مقدر سے لڑا ہےدنیا اسے کہتی ہے کہ چالاک بڑا ہے خود تیس کا ہے اور دلہن ساٹھ برس کیگرتی ہوئی دیوار کے سائے میں کھڑا ہے پاپولر میرٹھی

ایک لیڈر سے کہا یہ میں نے کل اے پاپولرؔتو الیکشن میں اگر ہارا تو کیا رہ جائے گا اپنے غنڈوں کی طرف دیکھا اور اس نے یوں کہاجس دیے میں جان ہوگی وہ دیا رہ جائے گا پاپولر میرٹھی