تیرے بارے میں نہ سوچوں گی تو مر جاٶں گی
میں اگر تجھ کو نہ دیکھوں گی تو مر جاٶں گی
تیری یادوں نے ہی بخشا ہے مجھے اوجِ کمال
تیری یادوں میں نہ ڈوبوں گی تو مر جاٶں گی
میں نے الزامِ مَحبت جو لیا ہے سر پر
میں اگر خود کو ہی پرکھوں گی تو مر جاٶں گی
میں ترا دل بھی ہوں اور روح بھی اور جسم بھی ہوں
میں اگر زور سے دھڑکوں گی تو مر جاٶں گی
گُھنگھروٶ ! ٹوٹ نہیں سکتے ہو تم پاٶں میں
یہ تو لِیلا ہے ! جو ناچوں گی تو مر جاٶں گی ؟
تجھ سے دوری ہی مناسب ہے مرے شوخ صنم
میں جو جذبات میں مَچلُوں گی تو مر جاٶں گی
عشق میں قید نہیں , اور نہ کوٸی منزل ہے
میں جو آپے سے نہ گُزروں گی تو مر جاٶں گی
مدیحہ شوق