حصہ بنا کے پیار کو اپنے شِعار کا
ہر دم خیال کیجیے سب کے وقارکا
دولت کے بل پہ آپ نہ اترائیے جناب!
پھرخوب حظ اٹھائیں گےاس کےخمارکا
تپ چڑھ گئی ہےآپ کو،تپنے میں ہے مزہ
پر کچھ علاج کیجیے اپنے بخار کا
پتھر کو جونک لگتی نہیں،اور ضرب سے
ہوتا نہیں اثر کبھی پتھر پہ وار کا
دنیا میں رہ کے سمجھے نہ اِس کے مزاج کو
ہم کو ملا نہ ساتھ کسی وضع دار کا
اپنی خوشی میں آپ رہے خوب منہمک
آیا نہ تب خیال مرے دل فگار کا
ہم کوعبادتوں سےفرائض سے ہےغرض
کرتے ہیں شکر ، شکر ہے پروردگار کا
نازیہ نزی