لبوں پر اب غمِ دل کو کبھی سجتا نہیں دیکھا

Laboon per ab Gham e dil ko Kabhi Sajta Nahi dekha

غزل

لبوں پر اب غمِ دل کو کبھی سجتا نہیں دیکھا
رہا یہ درد میرا ہی کہیں بٹتا نہیں دیکھا

مری پلکوں نے پایا ہے ہنر گوہر چھپانے کا
کسی نے آنکھ سے موتی مری گرتا نہیں دیکھا

سبب اپنی انا کے کچھ کہے بن مر ہی جاتے ہیں
کوئی اب ضبطِ الفت میں مگر مرتا نہی دیکھا

بڑے اسرار ہیں انسان میں گر کھوج کر دیکھیں
ادھر اس دورِ حاضر میں کوئی سادا نہیں دیکھا

نہیں ہے تاب سننے کی جو سنتے ہیں وہ جلتے ہیں
پڑا شہتیر آنکھوں کا کبھی نکلا نہیں دیکھا

یہاں دعویٰ مسیحائی کا ھے ہر اک بشر کو پر
کسی کی آگ میں دوجا کوئی جلتا نہیں دیکھا

حسیں ہے زیست اب ہم بھی گزاریں گے یہاں ہنس کر
الم تادیر دنیا میں کبھی رکتا نہیں دیکھا

ذخیرہ لے کے خواہش کا یہیں ہم بیٹھ جائیں گے
مرصع تخت ہو طاؤس سے زہرا نہیں دیکھا

زہرہ مغل

Zehra Mughal