ماں میں تیرے جیسی ہوں
ماں میں تیرے جیسی ہوں
درد چھپاتی ہوں سب کا
غم کو بانٹتی ہوں سب کے
زندگی کے طوفاں سے
روز جنگ کرتی ہوں پھر بھی
ہنستی رہتی ہوں کتنا
صبر کرتی ہوں
ماں میں تیرے جیسی ہوں
آس میں خوشی کی میں
سب غموں کو پی جاٶں
سوچتی ہوں
اک دن تو آۓ گا
کوٸی لمحہ جب سنور کے اُبھرے گا
تارہ میری قسمت کا
سوچتی ہوں میں اکثر ماں
میں تیرے جیسی ہوں
لوگ مجھ سے کہتے ہیں
تُو جُدا ہوٸی مجھ سے
میں بچھڑ گٸی تجھ سے
پر میں جانتی ہوں
تُو مجھ میں منتقل ہو کر
آج مجھ میں زندہ ہے
سب یہ مجھ سے کہتے ہیں
ماں میں تیرے جیسی ہوں
ہاں میں تیرے جیسی ہوں ۔
قمرسرور