وہ جس کو بِچھڑے ہوۓ ہم سے اِک زمانہ ہوا
خیال و خواب میں پِھر اُس کا آنا جانا ہوا
یہ سوچ کر نہ غمِ دل کبھی کسی سے کہا
اِدھر زبان سے نکلا ، اُدھر فسانہ ہوا
وہ ان کا حُسن ِ تٙغافل ، یہ بٙے نیازی ِ عشق
مُحبتیں نہ ہوئیں یہ فریب کھانا ہوا
ہمارے حال پہ دنیا نے جو کہا ، سَو کہا
مگر غضب تیرا اِک بار مُسکرانا ہوا
بَسی ہے دَست ِ حِنائی کی آج تک بھی مٙہک
جُدا ہوۓ تجھے مُجھ سے گو اِک زمانہ ہوا
مِرا رَقیب زَمانہ نہیں مُقدّر ہے
تِرا نِگاہ بدلنا تو اِک بَہانہ ہوا
ہمیں خبر نہ ہوئی اور یہ قافلہ دِل کا
نہ جانے ہِجر کی منزل کو کب روانہ ہوا
رَہی نہ حَاجت ِ جام و سُبو نہ مَیخانہ
کِسی کی آنکھیں ہمارا شَراب خانہ ہوا
پَرکھ رہے ہیں وہ تیر ِ نظر چَلا کے ، عظیم
کِسی کی جان گئی ، ان کا آزمانا ہوا
یونس عظیم