وہ حسنِ حشر ساماں ہے معاذ اللہ

Wo Husn e Hashr saamaan Hay Maaz Allah

غزل

وہ حسنِ حشر ساماں ہے معاذ اللہ
نگاہ_ شوق حیراں ہے معاذ اللہ

کرشمے بھی تو ہوتے ہیں محبت میں
جدائی کا بھی امکاں ہے معاذ اللہ

تمازت ریت میں کانٹے زباں پر ہیں
تقاضا ئے بیاباں ہے معاذ اللہ

صبا بھی خار و خس میں منہ چھپائے ہے
چمن سارا ہی ویراں ہے معاذ اللہ

کوئی ویرانی سی ویرانی ہے دیکھو
ابھی قحط_ بہاراں ہے معاذ اللہ

چھپاتی ہے یہ لاشیں کتنی دامن میں
زمیں گور_ غریباں ہے معاذ اللہ

کہیں پر زلزلے ہیں غم کے نالے ہیں
کہیں جشن_ بہاراں ہے معاذ اللہ

ذرا محتاط رہنا تم ابھی ثاقب
کوئی پھر چاک داماں ہے معاذ اللہ

رانا افتخار احمد ثاقب

Rana Iftikhar Ahmed Saqib