ہر جہالت کوٹھڑی میں شمع دانش نور عین
بلے بلے لالہ مصری خان تیری لالٹین
پھول حسن زندگی ہے پھول رنگ کائنات
تو جہاں بھی جائے پرسیں پھول تیرے ساتھ ساتھ
تیری بانہوں پر بھی پھولوں کے ہمیں گجرے قبول
بات تو جب ہے اگیں مزدور کی کٹیا میں پھول
ہو "کلہاڑا” یا درانتی تیر یا تلوار ہو
اسلحہ سب اپنی آزادی کا پہرہ دار ہو
اپنے سجدوں کے لیے اپنی زمیں پر ہی رہو
بیٹھ کر گھوڑے کی زیں پر بھی زمیں پر ہی رہو
"آٹھویں ترمیم” ہے سر پر ہتھوڑے کی طرح
اے معزز شخص بک جانا نہ گھوڑے کی طرے
"سائیکل” رفتار میں گھوڑا نہ ہو موٹر نہ ہو
ملت بیضا کا ٹائر دیکھنا پنکچر نہ ہو
فیل کے معنی کہ اونچا ہو مگر بھاری نہ ہو
بیل بھی اچھا اگر وہ "سانڈ سرکاری” نہ ہو
تو نمائندہ ہے اس ایوان با توقیر کا
فیصلہ کرنا ہے جس کو ملک کی تقدیر کا
سید ضمیر جعفری