چاہتا ہے مبتلاۓ دردِ دل

چاہتا ہے مبتلاۓ دردِ دل
دردِ دل ہو خود دواۓ دردِ دل

میرے کہنے تیرے سننے کے لۓ
ہے وہی ماجراۓ دردِ دل

حضرتِ عیسٰی تو پھنچے چرخ پر
پوچھیۓ کس سے دواۓ دردِ دل

دردِ دل کو کس لۓ الزام دوں
میں ہوا خود مبتلاۓ دردِ دل

چپ ہمیشہ کے لۓ ہم ہو گۓ
اُن سے کہہ کر ماجراۓ دردِ دل

اور ہوتا ہے یہ درماں سے سوا
کیا کرے کوئی دواۓ دردِ دل

ہم نے مانا دردِ دل مٹ جاۓ گا
سوزِ دل ہو گا بجاۓ دردِ دل

کچھ محبت آپ نے کچھ ہم نے کی
یوں ہوئی نشو و نماۓ دردِ دل

اس کے سننے کو کلیجا چاہیۓ
سن چکے وہ ماجراۓ دردِ دل

ہو گیا سارا جہں بیمارِ عشق
چل گئی ایسی ہواۓ دردِ دل

خوگرِ آزار مجھ سا کون ہے
ہوں ازل سے مبتلاۓ دردِ دل

غرق طوفانِ مصائب ہو گۓ
نوحؔ تھے نا آشنا دردِ دل