Jo mery Aankh main Behta Howa Darya Rakhy
غزل
جو مری آنکھ میں بہتا ہوا دریا رکّھے
اُس ستم پیشہ مری جان کو الله رکّھے
کبھی ہمدم کبھی محرم کبھی دلبر کبھی جاں
یہ جنوں اُسکے لیئے نام بھی کیا کیا رکّھے
رقصِ مے ہوتا رہا اور میں تکتا ہی رہا
میرا ساقی مرا احساس بھی پیاسہ رکّھے
اپنے بارے میں اُسے کیسے بتائیں جاکر
شہر کے شہر کو جو شخص شناسا رکّھے
اُس سے تم شکوہء تکمیلِ وفا مت کرنا
اُسکی عادت ہے وہ ہرکام ادھورا رکّھے
پیرہن جس پہ کرے ناز تکبُّر کی طرح
آئینہ کیسے بھلا اُسکا سراپا رکّھے
حسن پہ جس کے تصددُّق ہوں قصیدے سارے
کیوں وہ احسان "ضیا” سوچو تمہارا رکّھے
سید محمد ضیا علوی
Syed Mohammad Zia Alvi