غزل
جیت بھی جائیں گے آمادۂ پیکار تو ہوں
ہم الجھنے کے لئے وقت سے تیار تو ہوں
خود شناسی تو چلو ٹھہری بہت دور کی بات
اپنے کردار سے ہم لوگ خبردار تو ہوں
مقصد زیست ذرا تو ہی صدا دے ان کو
تجھ سے ہو کے جو الگ ہوتے ہیں بیدار تو ہوں
دھوپ اب تک تو منڈیروں پہ چڑھی بیٹھی ہے
اس کے آنگن میں اتر آنے کے آثار تو ہوں
ایسا مشکل تو نہیں توڑ کے تارے لانا
آسماں پر شب فرقت میں نمودار تو ہوں
پس منظر بھی بہت کچھ ہے مگر ہم نظریں
ان نظاروں سے ہٹا لینے کو تیار تو ہوں
موت کہتے ہیں ہر اک دکھ کی دوا ہے راحتؔ
مر کے بھی دیکھیں گے ہم جینے سے بیزار تو ہوں
اوم کرشن راحت
Om Krishan Rāhat
Jeet bhī jā.eñ ge āmadah-e-paikār to hoñ
Ham uljhnay ke liye waqt se tayyār to hoñ
Khud shanāsī to chalo ṭhahri bahut dūr kī bāt
Apne kirdār se ham log khabardār to hoñ
Maqsad-e-zīst zarā tū hī ṣadā de un ko
Tujh se ho ke jo alag hote haiñ bedār to hoñ
Dhoop ab tak to manḍīroñ pe chaṛhī baiṭhī hai
Us ke āñgan meñ utar āne ke āsār to hoñ
Aisā mushkil to nahīñ, ṭoṛ ke tāre laanā
Āsmān par shab-e-furqat meñ namūdār to hoñ
Pas manzar bhī bahut kuch hai magar ham nazareñ
Un naẓāroñ se haṭā lene ko tayyār to hoñ
Maut kehte haiñ har ik dukh kī dawā hai Rāhat
Mar ke bhī dekheñ ge ham jīne se bezār to hoñ