شہر میں حسنِ بلا کا فتنہ ہے

Shahr main Hussn e Bala ka Fitna Hay

غزل

شہر میں حسن بلا کا فتنہ ہے
یہ طلسم خوش ادا کا فتنہ ہے

خواہش دیدارحسن سحر خیز
عاشقان جاں فدا کا فتنہ ہے

رفتہ رفتہ بن گیا ناسورِ دل
ایک درد لادوا کا فتنہ ہے

سب جمالِ یار پردے میں رہا
جو بھی ہے بندِ قبا کا فتنہ ہے

تیرگی ہے سایہِ ماہِ تمام
چاند بھی ارض و سما کا فتنہ ہے

مل سکا ساحل نہ کشتی کو مگر
با خدا یہ نا خدا کا فتنہ ہے

فتنہ ہائے زندگی ہیں بے شمار
وصل و ہجر و بے وفا کا فتنہ ہے

یہ مکافاتِ عمل ثاقب ہے کیا
کچھ سزا کچھ جزا کا فتنہ ہے

رانا افتخار احمد ثاقب

Rana Iftikhaar Ahmed Saqib