خدا کا لاکھ شکر ہے کہ سب نہاں نہیں رہے
جو آستیں کے سانپ تھے وہ اب یہاں نہیں رہے
اور ایک دن ہم آپ کی یہ دنیا چھوڑ جائیں گے
خبر ملے گی آپ کو کہ ہم یہاں نہیں رہے
بہت دنوں کی بات ہے یہیں کہیں پہ زخم تھے
یہ دیکھ کر خوشی ہوئی کہ اب نشاں نہیں رہے
نہ پہلے جیسی سرکشی ، نہ دل میں کوئ خواہشیں
کبھی کبھی لگے ہمیں کہ ہم جواں نہیں رہے
نکل کے تیرے دل سے ہم جو لا مکاں میں کھو گئے
تو سوچ کر ذرا بتا کہ اب کہاں نہیں رہے
فیصل محمود