ہم نیں سجن سنا ہے اس شوخ کے دہاں ہے

ہم نیں سجن سنا ہے اس شوخ کے دہاں ہے
لیکن کبھو نہ دیکھا کیتا ہے اور کہاں ہے

ڈھونڈا ہزار تو بھی تیرا نشاں نہ پایا
لشکر میں گل رخاں کے تیری مثل کہاں ہے

اب تشنگی کا روزہ شاید کھلے ہمارا
شام و شفق سجن کا مسی و رنگِ پاں ہے

دل میں کیا ہے دعوا انکھیاں ہوئی ہیں منکر
تیری کمر کا جھگڑا ان دو کے درمیاں ہے

رہتا ہوں اے پیارے قدموں تلے تمھارے
جس راہ آوتے ہو عاجز کا ویں مکاں ہے

تجھ خط پشتِ لب میں تس کا سخن ہوا سبز
اس کی زباں دہن میں مانندِ برگِ پاں ہے

پیری سیں قد کماں ہے ہر چند آبروؔ کا
اس نوجواں کی خاطر دل اب تلک کشاں ہے

(آبروؔ شاہ مبارک)

Hum ne sajan suna hai is shokh ke dihan hai

Hum neñ sajan sunā hai us shokh ke dahāñ hai
Lekin kabhū na dekhā, kītā hai aur kahāñ hai

Ḍhūñḍā hazār tū bhī terā nishāñ na pāyā
Lashkar meñ gul-rukhāñ ke terī misl kahāñ hai

Ab tishnagī kā rozā shāyad khule hamārā
Shām o shafaq sajan kā masī o rang-e pāñ hai

Dil meñ kyā hai daʿwā, ankhiyāñ huīñ haiñ munkir
Terī kamar kā jhagra in do ke darmiyāñ hai

Rahtā hūñ ae pyāre qadamōñ tale tumhāre
Jis rāh āwte ho, ʿājiz kā weñ makāñ hai

Tujh ḳhat pusht-e lab meñ, tas kā sukhan huʾā sabz
Us kī zabān dahan meñ mānind-e barg-e pāñ hai

Pīrī señ qad kamāñ hai, har chand Ābrū kā
Us naujawān kī ḳhātir dil ab talak kashāñ hai

— Ābrū Shah Mubārak