تمام عمر تمہارا خیال کرتے رہے

Tamam umr tumhara khyal karty rahay

غزل

تمام عمر تمہارا خیال کرتے رہے
کہ ہاتھ مَلتے رہے اور ملال کرتے رہے

کوئی تو لے گیا ساری وراثتیں اپنی
جناب شیخ تو رنگین بال کرتے رہے

حیات و موت کا آخر معمّہ ہے کیسا
خدا سے روز یہی اک سوال کرتے رہے

فریب دے کے ہمیں حاشئے پہ کر ڈالا
ہمارے نام کا حاصل کمال کرتے رہے

پڑوسی سویا رہا بھوک سے نڈھال مرا
پہ ہم دخیرہ ء درھم ، ریال کرتے رہے

قمرؔ ہمیشہ سے دنیا کا یہ وطیرہ رہا
ہوئے جو پیدا یہاں انتقال کرتے رہے

قمرِ عالم قمرؔ qamer alam qamer