آج خوشیاں سب مناؤ آمد سرکار ﷺ کی

Aaj Khushyaan Sab Manao Aamad e Sarkaar Ki

نعت

آج خوشیاں سب مناؤ آمد سرکار ﷺ کی
نعمت کبری ولادت ہے شہ ابرار ﷺ کی

جن ﷺ کی خاطر عرش بھی یہ فرش بھی قائم ہوئے
حکمرانی ہے وہاں پر احمد مختار ﷺ کی

محفل میلاد ہوتی ہے جہاں پر عرش سے
ہوتی ہے برسات پھر چھم ، چھم چھما انوار کی

وقت رخصت یا الٰہی لب پہ ہو صلی علیٰ
آنکھ کو ٹھنڈک ملے محبوب ﷺ کے دیدار کی

غیر ہوں اپنے امیں صادق کہیں ہیں برملا
سب گواہی دے رہے ہیں آپ ﷺ کے کردار کی

ہیں ورفعنا لک ذکرک کی آوازیں بلند
گونج تو چاروں طرف ہے آپ ﷺ کے اذکار کی

ہے دعا معصوم کی ہو جو کہے ہیں قلب سے
بارگاہِ قدس میں مقبولیت اشعار کی

انعام الحق معصوم صابری

Inam Ul Haq Masoom Sabri