دیار غیر میں جب کوئ  ہم  زباں نہ ہوا

Dayaar e Gheer Main Jab koi Ham zaban Na howa

غزل

دیار غیر میں جب کوئ  ہم  زباں نہ ہوا
کوئ بھی میرےخیالوں کاترجماں نہ ہوا

تہہ  زمین کہ بالائے آسماں  نہ  ہوا۔۔۔
ہمارے عشق کا چرچا کہاں کہاں نہ ہوا

ہوئے تو جمع سبھی قافلہ رواں نہ ہوا
کہ رہرؤں  میں کوئ میر کارواں  نہ ہوا

اٹھے گا خاک سے ہر ذی حیات روز جزا
وہ بےنشان رہا پھربھی وہ بےنشاں نہ ہوا

کریں جو  خون  پسینے سے خود محل تعمیر
نصیب ان کےسروں کوہی سائباں نہ ہوا

رکھا ہےتم نے رواجو سلوک ساتھ مرے
کمال مشق ستم ہے  یہ امتحان  نہ ہوا۔۔

شریک غم  وہ رہا  دوسروں  کے جو اکثر
مرا وہی توکوئ اس پہ نوحہ خواں نہ ہوا

ہر ایک رات پہ کھا یا ترس سویرے نے۔
مرا ہی بخت  سیہ مجھ پہ مہرباں  نہ  ہوا    

      رضیہ کاظمی

Razia Kazmi