Sab Hain Anwaar e Shabistaan Aankh Main
غزل
سب ہیں انوارِ شبستاں آنکھ میں
چاند ہے اب تک فروزاں آنکھ میں
عشق کا ہے یہ تقاضا ہو سدا
جلوہ۶ جانِ بہاراں آنکھ میں
چشم بینا دیکھتی ہے دور تک
رک گیا جیسے بیاباں آنکھ میں
میرے اندر نور ہے پھیلا ہوا
خوب چمکے تیری افشاں آنکھ میں
چشم و ابرو اور لب و رخسار سب
یوں سمٹ آیا گلستاں آنکھ میں
اک سمندر دل میں ٹھہرا ہوا
اور رقصاں ایک طوفاں آنکھ میں
دل کو روشن رکھتا ہے ثاقب مرے
میری جاں کا روئے نازاں آنکھ میں
رانا افتخار احمد ثاقب
Rana Iftikhaar Ahmed Saqib