اپنی ہی ۔۔۔۔۔۔ کھوج  میں لگا  ہوں میں

اپنی ہی ۔۔۔۔۔۔ کھوج  میں لگا  ہوں میں
پر کہاں ۔۔۔۔۔ خود سے مِل سَکا ہوں میں

آگ  ہی  آگ ، ۔۔۔۔۔۔۔۔۔۔۔ دیکھتا  ہوں  میں
لوگ  کہتے ہیں ، ۔۔۔۔۔۔۔۔ پارسا  ہوں  میں

تم کو  دَعوی ہے ۔۔۔۔۔۔۔۔۔ تم  سمجھتے ہو
ہر کِسی پر ، ۔۔۔۔۔۔۔ کہاں کھلا  ہوں  میں

اِک سَمندر ہے، ۔۔۔۔۔۔۔ مَوج زن مُجھ میں
  تم کو صحرا سا ۔۔۔۔۔۔۔ لگ رٙہا  ہوں میں

دیکھیے ، ۔۔۔۔۔ کب تلک  فٙضا میں رہوں
  اپنے مٙحور  سے ۔۔۔۔۔۔۔ ہٙٹ گیا  ہوں میں

یہ مِرے خواب ۔۔۔۔۔۔۔۔ سٙو گۓ  جب  سے
تب سے راتوں کو ۔۔۔۔۔۔ جاگتا  ہوں میں

یُوں  نِگاہیں  جَماۓ ۔۔۔۔۔۔۔۔۔۔۔۔۔ رَستے  پر
اپنی ہی راہ ، ۔۔۔۔۔۔۔۔۔۔ دیکھتا  ہوں میں

ہے فَقط ۔۔۔۔۔۔۔۔۔۔۔ سَر پہ رَوشنی  میرے
  چاہ ِ یوسف  میں ، جِی رہا ہوں میں

بٙے وفائی کو ۔۔۔۔۔۔۔۔۔۔۔۔۔ دَر گزر  کر دوں؟
تُم سے کِس نے کہا ،  خدا ہوں میں

  اِک  بُرائی  ہے ، ۔۔۔۔۔۔۔۔۔۔۔ شعر کہتا  ہوں
وٙرنہ  تو ، ۔۔۔۔۔۔۔۔۔۔ آدمی بٙھلا ہوں میں

وہ  سَمجھ ہی نہیں سٙکا ، ۔۔۔۔۔۔ یُونس
کیا خبر اُس کو کیا تھا ، کیا ہوں میں

یونس عظیم