5 فروری 1946ء کو پیلی بھیت میں پیدا ہوئے، جامعہ پنجاب سے ایم اے اردو کیا وفاقی حکومت نے خواجہ رضی حیدر کو قائد اعظم اکیڈمی کا سربراہ مقرر کر دیا ۔ سات سال سے یہ عہدہ خالی چلا آ رہا تھا جبکہ عقیل عباس جعفری کو اردو لغت بورڈ کا چیف ایڈیٹر مقرر کر دیا گیا ہے۔ خواجہ رضی حیدر قائد اعظمؒ اور تحریک پاکستان پر متعدد کتابوں کے مصنف ہیں۔ ان کی پہلی کتاب قائد اعظم کے صد سالہ جشن ولادت پر منظرعام پر آئی تھی، کتاب کا نام ’’قائد اعظمؒ کے 72 سال‘‘ ہے، ان کی دوسری کتاب ’’قائد اعظم خطوط کے آئینے میں‘‘ ہے۔ بانئ پاکستان پر بننے والی فلم کا سکرپٹ بھی خواجہ رضی حیدر نے لکھا تھا، انہوں نے قائد اعظم اور تحریک پاکستان پر ٹی وی کے لیے دو سو سکرپٹ لکھے۔ خواجہ رضی حیدر عملی صحافت سے وابستہ تھے لیکن پروفیسر شریف المجاہد کے مشورے پر انہوں نے اس شعبے کو 1980ء میں خیرباد کہہ دیا اور قائد اعظم اکیڈمی سے وابستہ ہو گئے وہ 27 سال تک قائد اعظم اکیڈمی کے ساتھ بطور ریسرچ سکالر وابستہ رہے۔ وہ 2007ء میں قائد اعظم اکیڈمی کے سربراہ بھی رہ چکے ہیں آج کل وہ سرسید یونیورسٹی میں کنسلٹنٹ کے طور پر خدمات انجام دے رہے تھے۔