عمر بھر جس کی محبت میں گرفتار رہی
اس کو دیوار کیا خود پس دیوار رہی
آنکھ لگ جائے تو پھر آنکھ کہاں لگتی ھے
میں اگر سو بھی گئی خواب میں بیدار رہی
تیرگی سے میرا سمجھو تہ نہیں ھو سکتا
میں ہمیشہ سے چراغوں کی طرف دار رہی
باغبانوں کو پشیمانی اسی بات کی ھے
میں خزاوں کے دنوں میں بھی ثمربار رہی
تو تو کم حوصلہ مت جان مجھے اے دنیا
تجھ سے تو ہر گھڑی میں بر سر پیکار رہی
میرے چہرے پہ تبسم کی حقیقت نہ کھلی
میں زمانے کے لئیے کتنی پر اسرار رہی
جہاں آرا تبسم