کانوں میں ترے آج بھی رس گھول رہی ھوں
اچھا لگے جو تجھ کو وہی بول رہی ھوں
دنیا سے الجھنے کا ابھی وقت کہا ں ہے
زلفوں کے خم و پیچ سبھی کھول رہی ھوں
کہنے کو لگا تی رہی دنیا مری قیمت
عورت ھوں ہر اک دور میں انمول رہی ھوں
آنسو میری آنکھوں سے ٹپکتے رھے شب بھر
مرجان ہیں موتی ہیں مگر رول رہی ھوں
اب ھونےکو ھے ساتواں در مجھ پہ کشادہ
یہ سوچ کے پرواز کو پر تول رہی ھوں
دنیا کی خبر ھے نہ مجھے اپنی خبر کچھ
صحرا میں جا کے آنسووں کو گھول رہی ھوں
ہر سو ھے جہاں آرا ء تبسم….! ترا چرچا
میں عاشقی کے باب سبھی کھول رہی ھوں
جہاں آرا تبسم