تا عمر ایک شخص مٹاتا رہا گناہ
قرطاسِ زیست پر جو تھا لکھا ہوا گناہ
نسلِ یزید گرچہ زمانے میں عام ہے
کرنا نہیں کبھی یوں شقاوت بھرا گناہ
تفہیم کس سے ہوسکے حق کے کلام کی
افہام خود ہی کرنا ہے کردار کا گناہ
بندہ خدا کا بن کہ رہ دنیا میں تو سدا
بنتا ہے تو خدا جو کہ ہے یہ بڑا گناہ
پڑھ کر درود مانگی ہے جب بھی کوئی دعا
رب کی عطائیں ہوگئیں سارا مٹا گناہ
توبہ کا در کھلا ہے ابھی جا کے مانگ لے
غفار بخش دے گا مٹا کر ترا گناہ
سخی سرمست