غزل
تنہائی میں دکھتے لمحے جب کچھ یاد دلاتے ہیں
سائے سائے کتنے چہرے آنکھوں میں پھر جاتے ہیں
اب تو اچھے دل والوں کا قحط سا پڑتا جاتا ہے
لیکن نقلی چہرے والے دل اپنا بھرماتے ہیں
چھو جاتی ہے جب بھی آ کر یادوں کی پروائی سی
ننھے ننھے کتنے دیپک پلکوں میں جل جاتے ہیں
اپنوں میں بیگانہ بن کر زندہ رہنا مشکل ہے
لیکن دیکھ زمانے ہم کو ہم جی کر دکھلاتے ہیں
جانے کب سے ہم بیٹھے ہیں سوچوں کے چوراہے پر
چورنگی کا میلہ ہے جگ ہم بھی دیکھے جاتے ہیں
وشو ناتھ درد