دو شادیاں تو کی ہیں مگر کچھ نہ پوچھیے
کشتی پھنسی ہے بیچ بھنور کچھ نہ پوچھیے
کس کی نحوستوں سے گلستاں اجڑ گیا
بے برگ کیوں ہے شاخِ شجر کچھ نہ پوچھیے
اس کی نظر میں میرا جنوں تھا اسی لیے
پختہ لحد کو کردیا گھر کچھ نہ پوچھیے
دنیا کا ہو سفر کہ سفر آخرت کا ہو
لازم ہے زندگی میں سفر کچھ نہ پوچھیے
جو ہی زباں پہ دلکی مرے بات آگئی
یوں پھیر لی ہے اس نے نظر کچھ نہ پوچھیے
جینا یہیں پہ ہے یہیں مرنا ہے اہلِ دل
راس آ گیا ہے اس کا نگر کچھ نہ پوچھیے
ہاتھ اس کا دیکھنے کا جو اظہار کردیا
پھر بن گیا میں ایک خبر کچھ نہ پوچھیے
انشا نگاہِ ناز کے چرچے بہت سنے
کیسی ہے آج ان کی نظر کچھ نہ پوچھیے
صفدر علی خان انشا