میں سراپا بندگی ھوں میں سفیر روشنی
اس لئے تو مجھ پہ برھم ھو رھی ھے تیرگی
یہ کمال بے خودی ھے یا سماعت کی طلب
جلترنگ بجنے لگے جب آئی ھونٹوں پر ھنسی
میں سکوت شب میں کب سے سن رھا ھوں یہ صدا
آبھی جا اے زندگی اے زندگی اے زندگی
اک غبار بے حسی پھیلا ھوا ھے ھر طرف
دیدہء بے تاب کو کیسے نظر آےء خوشی
ان کو آ جاتا ھے اکثر اک دوانے کا خیال
آئینے میں حسن اپنا دیکھتے ھیں جب کبھی
ایک لمحے جو ٹھہری اس پہ شاعر کی نظر
یوں لگا جیسے مجسم ھو گئی ھے چاندنی
میں نے دیکھا ھے وفا کو بے وفا ھوتے ھوےء
اس لئے تو مجھ پہ طاری ھے فسون بے حسی
وہ تو کہیئے بس اچانک مجھ کو رونا آ گیا
ورنہ مجھ کو مار دیتی کل تو میری بے بسی
جادہء حق گوئی پر کیسے چلیں فیاض ھم
آگئی ھے پھر ھمارے راستے میں زندگی
فیاض علی فیاض