سلام
میں نے جب مدح خدیجہ میں قصیدہ لکھا
سب سے پہلے ابو طالب ترا خطبہ لکھا
مین نے جس فکر کو بنیاد ِ عشیرہ لکھا
آپنے آیمان کا پہلا اسے زینہ لکھا
خوب ضوبار کئے قلب و نظر خطبے سے
جب ترے خطبے کو شمع دل و دیدہ لکھا
منزلت کیا ہے صحیفے کی یہ لکھ کر میں نے
خطبہء عقد محمد کو صحیفہ لکھا
کیآ بصیرت تھی خدا جانے ابو طالب کی
خطبہء عقد میں الحمد کا سورہ لکھا
ایک ہی بیٹی کی تقریب میں شرکت لکھی
لکھنے والے نے جب احوالِ عشیرہ لکھا
پہلے تاریخ مدینے کی لکھی پھر میں نے
جس میں وہ رہتے ہیں اس دل کو مدینہ لکھا
جب بھی یہ لکھا کہ کیا ہوتے ہیں تعبیر کے خواب
کس طرف کھلتا ہے خوابوں کا دریچہ لکھا
مدحت حجت آخر کو فریضہ لکھ کر
خدمت حجت آخر میں عریضہ لکھا
میں مورخ نہ تھا جو لے کے وظیفہ لکھتا
میں نے جو کچھ بھی لکھا پڑھ کے وظیفہ لکھا
دآد بے حد مجھے مومن سے ملی جب میں نے
میرکی بحر میں غالب کا عقیدہ لکھا
عبّاس حیدر زیدی