نہیں ہے شام تو ظلمت بلا کے شام کرو
نبی کی آل کا اتنا تو احترام کرو
سجا کے نیزے کو، اک سر یہ کہتا پھرتا ہے
‘‘حسینؑ ہوں‘‘ مجھے اب کافرو سلام کرو
بتا گئے ہمیں وہ راستہ ہدایت کا
کہ ظلمتوں میں شہادت کا اہتمام کرو
حضور فرطِ مسرت سے دیں جواب اس کا
درودِ پاک کو، کلمے کو اتنا عام کرو
پھر اس کے بعد یہ دنیا غلام ہے میری
حسینؑ ! اک دفعہ نا چیز کو غلام کرو
تمہارے قدموں میں گستاخؔ سر بسجدہ ہے
اسے حضور عطا معرفت کا جام کرو