یوں تار تار پنا گریباں کریں گے ہم
یوں احترامِ فصلِ بہاراں کریں گے ہم
اک روز اہلِ دہر کو حیراں کریں گے ہم
ذروں کو رشکِ مہرِ درخشاں کریں گے ہم
خونِ جگر سے سرخ بیاباں کریں گے ہم
ویرانیوں کو رشکِ گلستاں کریں گے ہم
احسانِ چارہ ساز گوارہ نہیں ہمیں
اب خود ہی اپنے درد کا درماں کریں گے ہم
افسانہِ حیات کا عنواں کوئی نہیں
اس داستاں کو حاصلِ عنواں کریں گے ہم
درکار ہے جہاں کو پھر اک روز انقلاب
بیدارشاد فطرتِ انساں کریں گے ہم
شاد بہٹوی