غزل
اے میرے من کے شاہ پیا
مجھے آج بھی تیری چاہ پیا
مرے دل میں سچی پریت تری
تجھے کون کیا گمراہ پیا
میں گلے میں مالا ڈال پھری
میں نے اوڑھا رنگ سیاہ پیا
تو جس جس رستے سے گزرا
میں نے چومی ہر وہ راہ پیا
میں نے نو من تیل جلایا ہے
دھاگے باندھے درگاہ پیا
میں نے اشک بہائے مسجد میں
تو لوٹا کیوں نا آہ پیا
مرے درد بھرے ان شعروں پر
پھر لوگ کہیں گے واہ پیا
ترے در پر عرضی پیش کرے
تری شہزادی مرے شاہ پیا
سن رستہ تکتے نین تھکے
چل ڈھونڈ ناں کوئی راہ پیا
ترے ہجر میں چاند کو گہن لگا
مرا رنگ ہوا ہے سیاہ پیا
کنول ملک