غزل
تم کیا جانو پیار محبت عشق نبھانا کیا ہوتا ہے
تم کیا جانو رستہ تکتے عمر بتانا کیا ہوتا ہے
مسجد مندر گرجا گھر میں اشک بہانا کیا ہوتا ہے
تم کیا جانو رات تہجد ہاتھ اٹھانا کیا ہوتا ہے
خود کو مٹی مٹی کر کے آہیں گریہ زاری شور
تم کیا جانو روٹھنے والے یار منانا کیا ہوتا ہے
تم کیا جانو زخمی آنکھیں خواب بکھر جانے کا دکھ
تم کیا جانو ہجر کے آنسو درد اٹھانا کیا ہوتا ہے
جان سے پیارے دے کر تم کو جان منا لوں بولو بھی
تم کیا جانو جان سے پیارے جان سے جانا کیا ہوتا ہے
کنول ملک