محبت محبت محبت ہے عورت
سمجھ لو کہ دنیا میں جنت ہے عورت
یہ عورت ہے ماں اور عورت ہے بیٹی
یہ عورت بہن ہے یہ عورت ہے بیوی
مگر اس کو سمجھیں نا پیروں کی جوتی
ہر اک روپ میں سب کی راحت ہے عورت
محبت محبت محبت ہے عورت
ہے عورت کے دم سے یہ آباد دنیا
نا ہو گر یہ عورت تو ناشاد دنیا
مگر پھر بھی عورت پہ صیاد دنیا
خدارا ذرا سمجھو شفقت ہے عورت
محبت محبت محبت ہے عورت
ہے عورت کے پیروں تلے ایک جنت
یہ عورت حقیقت میں ہے ایک دولت
یہ عورت ہی ہے زندگی کی ضمانت
ہر اک گھر کی عزت ہے برکت ہے عورت
محبت محبت محبت ہے عورت
سمجھ لو کہ دنیا میں جنت ہے عورت
شاہدہ عروج خان