چاہتوں کی بستی میں اک نیا سویرا ہو
دور تک خلاؤں میں یہ جہان میرا ہو
ہو تھکن نگاہوں میں گرد ہو ہتھیلی پر
رات جس جگہ اترے رین کابسیرا ہو
دھوپ روپ بکھراے میرے کچے آنگن میں
کھڑکیوں سے یہ منظر رنگ میں سنہرا ہو
چاند کی محبت میں چاندنی کی سرشاری
چاندنی کے پرتو میں عکس چاند چہرہ ہو
پھر سفر کی خواہش ہے روح میں تمازت ہے
دیکھئے کہاں اب کے زندگی کا ڈیرا ہو
جس جگہ تری فطرت خود سے ہی مقابل ہے
ٌُُُاس جگہ تری ہستی ذات کا کٹہرہ ہو
کس طرح سے مہکیں گے اس جگہ کنول دل کے
جس جگہ امنگوں پر حسرتوں پر کا پہرہ ہو
کوئ رنگ آنچل پر اب نکھر نہیں سکتا
شام کی اداسی کا رنگِ سوز گہرا ہو
شائستہ مفتی