Mujhay bhi fikr hay laikn main Tang Nahi aata
غزل
مجھے بھی فکر ہے لیکن میں تنگ نہیں آتا
مرے پرندوں کو اڑنے کا ڈھنگ نہیں آتا
اے بد مزاج مسافر سمجھ گیا ہوں میں
ترے سفر میں کوئی کیچ ، جھنگ نہیں آتا
ہوا کی مرضی ہے جس پیڑ کو ہرا رکھے
مجھے یہ شکوہ شکایت یہ ننگ نہیں آتا
میں دشتِ ہجر سے زندہ تو لوٹ آیا ہوں
مگر وہ پہلا سا چہرے پہ رنگ نہیں آتا
میں اپنی تیغ میں چہرے کو دیکھ سکتا ہوں
یہ اپنا کام سمجھتی ہے زنگ نہیں آتا
تمام عمر گزاری ہے جس جگہ صابر
وہاں پہ کوئی مسہری ، پلنگ نہیں آتا
صابر چودھری
Sabir Choudhry