Kitab e zeest ko likhna bhi kar e darud Hay
غزل
کتابِ زیست کو لکھنا بھی کارِ دارد ہے
حسابِ زیست سمجھنا بھی کارِ دارد ہے
تمہاری بات سمجھ کر بھی کیا کروں گا میں
تمہاری بات میں پڑنا بھی کارِ دارِد ہے
کوئی سِرا تو ملے کوئی آسرا تو ملے
ہاں یہ گمان ہی کرنا بھی کارِ دارِد ہے
بس ایک بات کچوکے لگاتی ہے دل کو
چنانچہ ساتھ ٹھہرنا بھی کارِ دارِد ہے
ذرا سی ٹھیس جو لگ جائے حرفِ عزت کو
تو ایسی راہ پہ چلنا بھی کارے دارِد ہے
سکون ڈھونڈتا رہتا ہوں اپنے اندر ہی
مگر سکون کا ملنا بھی کارے دارِد ہے
میں اعتراف کروں بھی تو کچھ نہیں حاصل
یہ اعتراف تو کرنا بھی کارے دارِد ہے
وہ چاہتا ہے کہ بس اُس کے کام آتا رہوں
اُسے یہ بات بتانا بھی کارے دارِد ہے
خالد میر
Khalid Meer