شور پُرسش کا تھا اب کے نہ پزیراٸی کا تھا
شہرِ یاراں میں عجب قحط سا گویاٸی کا تھا
واعظ و رند نہ اغیار نہ دلبر نہ رقیب
ایک وحشت کا سماں کوچہءِ ہرجاٸی کا تھا
ذہن بیمار تھکی کرب سے ذخمی روحیں
جیسے اس شہر میں فقدان مسیحاٸی کا تھا
حادثہ قتل ہوس سازش و دہشت گردی
نام تم کچھ بھی رکھو واقعہ رُسواٸی کا تھا
دوست بھی دوست سے بدظن ہے عدو بھی نالاں
یہ کرشمہ تو کسی دستٍ شناساٸی کا تھا
سانحہ یوں تو کیا غیر سے منسوب مگر
میری گردن پہ جو خنجر تھا مِرے بھاٸی کا تھا
رفعت اسلام صدیقی