غزل
تمھی ہو دعائیں وظیفہ بھی تم ہو
عبادت کا میری نتیجہ بھی تم ہو
تمھی ہو ہماری محبت کا محور
ہماری وفا کا صحیفہ بھی تم ہو
تمھی ہو فقط ایک نیکی ہماری
کبیرہ بھی تم ہو صغیرہ بھی تم ہو
تمھی شاہزادے مری سلطنت کے
ہو جاگیر میری ذخیرہ بھی تم ہو
تمھی تبصرہ ہو مری شاعری کا عتیق
رباعی تمھی ہو قصیدہ بھی تم ہو
تمھیں خار میں گل ہو، صحرا میں پانی
سمندر میں سُندر جزیرہ بھی تم ہو
تمھی ابتدا، انتہا سب تمھیں سے
مری زندگی کا سلیقہ بھی تم ہو
تمھیں پیار کی حد بتاؤں میں کیسے
مری تم عبادت، عقیدہ بھی تم ہو
نصرت عتیق گورکھپوری