Dil ki Dharkan Howa Karay Koi
غزل
دل کی دھڑکن ہوا کرے کوئی
میرے دل میں بسا کرے کوئی
آتشِ عشق میں فنا ہو کر
رقص بسمل کیا کرے کوئی
ٹوٹ کر چاہے میرا ہو کے رہے
زندگی بھر وفا کرے کوئی
میرے رخسار و لب پہ دے پہرے
مجھ میں ایسے بسا کرے کوئی
مثلِ چادر وہ اوڑھ لے مجھ کو
میری چادر ہوا کرے کوئی
وار دوں جاں جنون پر جس کے
یوں دیوانہ ہوا کرے کوئی
ہے تخیل کی ہوگئی زہرہ
اسکو ڈھونڈا کیا کرے کوئی
زہرہ مغل
Zehra Mughal