فصیل درد پہ روشن مثال زندہ ہے

Faseel e Shahr pa roshan misal zinda hay

غزل

فصیل درد پہ روشن مثال زندہ ہے
ترے بغیر ترا خوش خصال زندہ ہے

یہ جسد خاک تو مٹی تھا سو ہوا مٹی
عدو یہ دیکھ جبیں پر جلال زندہ ہے

کچھ ایسے فیصلے لکھے گئے مقدر میں
کہ جن کا تہمت جاں پر وبال زندہ ہے

مرے عدو یہ مرے عجز کا تقاضا ہے
جو تیری مات پہ دل میں ملال زندہ ہے

وفا کا ایسا صلہ کوئی دے نہیں سکتا
کہ ہر اذان میں اب تک بلال زندہ ہے

ذرا یہ سوچ لے اونچی اڑان سے پہلے
یہاں عروج میں ہر پل زوال زندہ ہے

عقیدتوں کا سفر رائیگاں ہوا تابشِ
سفر تمام ہوا پر سوال زندہ ہے

شہزاد تابشِ

Shahzad Tabish