غزل
تُو ہوا دربدر اب مجھے یاد کر
درد سے آگزر اب مجھے یاد کر
خوبصورت سماں میری یادیں حسیں
غم بھُلا صبر کر اب مجھے یاد کر
کھوجتے کھوجتے مجھ کو اب ہر جگہ
کھوگئی کیا نظر؟ اب مجھے یاد کر
وا کیا زیست کا در ترے واسطے
گُم گیا پھر یہ در اب مجھے یاد کر
زندگی کے سفر میں کبھی ساتھ تھے
یاد کر ہم سفر اب مجھے یاد کر
میں نے کوشش کی طوفاں کی دے دوں خبر
تُو رہا بے خبر اب مجھے یاد کر
یاد کرتے ہوئے مجھ کو تُو رو پڑے
آنکھ تیری ہو تر اب مجھے یاد کر
میں اکیلی چلی مجھ کو منزل ملی
تُو رہا بے ثمرؔ اب مجھے یاد کر
ثمرین ندیم ثمر