درد لکھ کر مٹا دیا میں نے
غم کو اک قہقہ دیا میں نے
جس کی خاطر جہاں کو چھوڑا وہ
کہہ رہا ہے کہ کیا دیا میں نے
جب وہ روٹھا مجھے مناتے ہوئے
آخرش مسکرا دیا میں نے
کیسے لوٹاؤں میں خطوط اس کے
جوتھا سب کچھ جلا دیا میں نے
کیا خبرتجھ کو اپنے اشکوں سے
کتنا کاجل بہادیا میں نے تھا
وہ جو ممکن نہیں، بفضلِ خدا
کرکے ممکن دکھادیا میں نے
اپنی چندری کو دیش کی خاطر
دیکھ پرچم بنا دیا میں نے
ایک طوفاں ٹھہر نہیں پایا
چٹکیوں میں اڑادیا میں نے
مان کر ہار پھر سے میں نے قمر
اس کو پھر سے ہرادیا میں نے
قمرسرور.